Datorren ekainaren 2an, larunbata, Donostiako Gazteszena aretoan, eguerdiko 12:00etan, Kresala akademiaren ikasleek 2017-2018 denboraldiko, ikasturte amaierako erakustaldia eskainiko dute ehun bat dantzari inguru osatutako taldean. Bertan, kurtsoan zehar ikasitakoaren printza bat aurkeztuko dute. Gure 50. urteurrenaren harira, 1968ko pieza koreografiko batzuetatik hasi eta gaur-egungo dantza tradizional garaikidera iritsi arterainokoak, esparru zabala erakutsiz gonbidatu bereziak barne. Sarrera soilik gonbidapenekin izango da.
KRESALA DANTZA ESKOLA 50. urteurrena
Kresala dantza akademia Gene Yurrek sortu zuen 1968an. 80ko hamarkadan
Xabier Arregi eta Ma Jose Calvo hartu zuten honen erreleboa. 1993tik – gaurdaino- Faustino Aranzabal bertako dantza maisua eta irakasle buru da, egungo: Mikel Oyarzabal, Eneritz Ardanaz, Ainhoa Zuazu eta Nora García irakasleekin batera jardunean.
Euskal dantzen heziketa-prestakuntza akademia bat da, izaerazko dantzaren arlokoa. Denbora bilakaeraren joan-etorrian, hainbat ziklo ditu egun ehun ikasleen bueltan, sei urtetik hasi eta hamasei urtera bitartekoak. Ikasturtean zehar joaten dira akademiara astero burutzen duten jardueran. Hainbat mailatan banatzen dira: dantza aurrekoa, hastapena, erdiko maila eta
aurreratua. Dantza historiko eta preklasikoko prestakuntza du irakaskuntzak; euskal dantza tradizionalaren teknika, estilo eta dantzaera ezberdinak irakasten zaizkie ikasleei.
Bere errepertorio propioa sortu du akademiak, egitarau tradizionala oinarritzat hartuta, eta dantza taldeko dantzariekin batera parte hartzen dute akademiako ikasleek eszenaratze ekoizpenak hedatzen, zubi lana eginez. 50 urteko ibilbidean izandako jarrera sortzaileak eta ekintzaileak inoiz baino indartsuago dirau. Antolatzen diren dantza ikuskizun hauen bidez, gure herriko mundu koreografikoari ekarpen berri eta kalitatezkoak eskaintzea da bere helburu nagusienetako bat.
Antolatzen den lan guzti honekin, beste ikasketa gune eta kontserbatorioetara zabaltzea du beste helburuetako bat: dantza ikastaro pedagogikoak zuzendu, saio monografikoak burutu, hamabostaldiak, entsegu irekiak eta sentsibilizazio tailerrak antolatu; baita metodo didaktikoak egin eta praktikan jarri ere. Gipuzkoako, Euskal Herriko eta atzerriko dantza eragile ezberdinei aholkularitza pedagogikoa eta programazio osaketak eskaintzen zaie, baita dantza irakasleei formakuntza didaktikoa ere.
Egutegi berezia oso, elkartean bertan arratsero eskura dezazuen.
Kresala Dantza Taldea - 50 urteurrena 